Mae Steve Steinman yn dathlu 22 mlynedd o groniclau epig Vampires Rock. Dyma ddechrau newydd a phennod newydd gyda’r sioe roc wreiddiol newydd sbon,  Eternal Love!

Mae’n cynnwys dros 20 o ganeuon gwreiddiol o ddau albwm a gyrhaeddodd Rif 1 yn y siartiau, gan gynnwys chwe sengl Rhif 1 a’r clasur Rhif 1 gan y cyfansoddwr chwedlonol John Parr, "Everything They Said Was True". Gyda chast llawn cantorion, dawnswyr a cherddorion anhygoel, mae hon wir yn noson i’r rhai sy’n mwynhau theatr gerdd a cherddoriaeth roc fel ei gilydd.

Dechreuodd y stori dros ddau gan mlynedd yn ôl, pan gafodd y Barwn (yr actor carismatig, Steve Steinman) a’i griw brith o fampiriaid eu herlid o’u castell a’u cartref, Club Live and Let Die, gan y pentrefwyr. Maen nhw’n ffoi dros dir a môr i ymgartrefu mewn hen drên sgrech anghyfannedd, gan achosi llanast ac anrhefn ymysg y trigolion lleol. Ar ôl sawl blwyddyn, mae’r Barwn yn penderfynu dychwelyd i’w famwlad, ailfeddiannu ei gastell a chwilio am ei hen gariad, Pandora, y credwyd ei bod wedi marw yn y tân mawr.

Wastad wrth ochr y Barwn y mae Bosley, ei fwtler a’i gyfaill mynwesol, sy’n cynnig canlyniadau doniol iawn ar brydiau.