Atebion i Gwestiynau Cyffredin

Sawl ffordd wahanol!

Ar-lein: Pan fyddwch wedi pori drwy ein sioeau ac wedi dewis, cliciwch ar ‘Archebwch Nawr’. Gallwch ddewis eich seddi a bydd eich tocynnau’n cael eu hanfon i’ch ffôn neu liniadur, a gallwch eu hargraffu gartref neu eu lawrlwytho i’ch ffôn i’w dangos wrth y drws.

Dros y Ffôn: Ffoniwch 01492 872000 a bydd aelod o staff yn ein Swyddfa Docynnau’n hapus i’ch helpu.

Yn Bersonol: Byddwch yn canfod y Swyddfa Docynnau yn y Brif Fynedfa ger Caffi Caitlin ar ochr orllewinol adeilad Venue Cymru ar Bromenâd Llandudno.

Grwpiau: Cysylltwch â’n Gweinyddwr Grwpiau os oes gennych grŵp o 10 neu ragor, a manteisio ar ein gostyngiad Trefnydd Grwpiau!  Ein llinell ffôn arbennig ar gyfer grwpiau 01492 872001 / grwpiau@venuecymru.co.uk      

Ailwerthu drwy Venue Cymru / Theatr Colwyn yw’r unig le cyfreithlon i ailwerthu tocynnau rydych wedi’u prynu gennym ni. Sylwer: Os byddwch yn prynu tocynnau ailwerthu drwy unrhyw wefan arall, mae’n bosibl na fyddant yn ddilys a gellir gwrthod mynediad i’r safle. 

Dyma’n horiau agor craidd:

• Dydd Llun a Dydd Gwener: 10am - 4.45pm
• Dydd Mawrth, Dydd Mercher, Dydd Iau: 12pm - 4.45pm
• Dydd Sadwrn: 12pm - 4.45pm
• Dydd Sul: Ar gau

** Mae’r swyddfa docynnau yn parhau i fod ar agor i brynu tocynnau ar gyfer y sioe sy’n cael ei chynnal y noson honno nes amser dechrau’r sioe. Ar gyfer archebion cyffredinol, byddwn yn argymell defnyddio’r oriau uchod.

Yn anffodus, nid oes modd i ni werthu tocynnau gofalwr ar-lein ar hyn o bryd, felly byddai angen gwneud hyn yn bersonol, dros y cownter neu dros y ffôn.

Rydym yn gofyn fod gennych eich aelodaeth HYNT yn barod pan rydych yn archebu.

Pan rydych yn prynu eich tocynnau ar-lein, byddwch yn cael e-bost i gadarnhau. Yn yr e-bost bydd botwm ‘Lawrlwytho’. Cliciwch ar Lawrlwytho, a bydd eich tocynnau ar gael i’w gweld.  Dangoswch eich tocynnau sydd wedi’u lawrlwytho ar eich ffôn i’r Stiward wrth i chi fynd i mewn i’r Awditoriwm.

Gallwch eu hargraffu gartref os ydych chi’n dymuno.

Fel arall, gallwch fewngofnodi i’ch cyfrif Venue Cymru ar-lein a chanfod eich tocynnau yno. Mewngofnodwch gan ddefnyddio’r ddolen Fy Nghyfrif yn nhroedyn y wefan, ar frig y dudalen ar yr ochr dde, cliciwch ar y saeth ddisgynnol ger eich enw a dewis ‘Fy Archebion’. Bydd eich archebion cyfredol yn cael eu rhestru. Dewiswch y sioe berthnasol, cliciwch ar y manylion a phwyso lawrlwytho tocynnau.

Mae e-docynnau’n cael eu hanfon i’r cyfeiriad e-bost sy’n gysylltiedig â’ch cyfrif, ac maent yn cael eu hanfon gan messages-noreply@ticketsolve.com

• Ffonau Android - Bydd tocynnau’n cael eu lawrlwytho’n awtomatig i ardal lawrlwythiadau eich ffôn, a byddwch yn cael dewis sut i agor y tocynnau.
• iPhone - Bydd y tocynnau’n agor ar ffenestr ar Safari. Gallwch eu cadw mewn lle addas ar eich ffôn.

* AWGRYM I DDEFNYDDWYR - rydym yn argymell cymryd sgrinlun o’r tocynnau ar gyfer seddi wedi’u cadw yn y Theatr, gan sicrhau sgrinlun am bob tocyn ar gyfer y parti cyfan.

Rydym yn dosbarthu e-docynnau erbyn hyn, er mwyn lleihau ein hôl troed carbon. Serch hynny, os hoffech chi barhau i dderbyn tocyn wedi’i hargraffu, mae hynny’n dal yn bosib.

Gallwn argraffu a phostio eich tocynnau am ffi o £2.

Bydd tocynnau’n cael eu hanfon gyda phost ail ddosbarth.

Os ydych chi’n dewis derbyn eich tocynnau drwy’r post yn hytrach nag e-docynnau, yna byddant yn cael eu hanfon cyn y sioe. Mae’r post yn cael ei anfon ddydd Llun, dydd Mercher a dydd Gwener.

Caniatewch 3-5 ddiwrnod gwaith.

Gall hyn ddibynnu’n hollol ar y sioe! Ar gyfer grwpiau mwy, gweler ‘Grwpiau’ uchod ar gyfer gwybodaeth ar brynu tocynnau ar gyfer grwpiau.

Gellir prynu uchafswm o 8 tocyn ar-lein.

Mae Venue Cymru a Theatr Colwyn wedi ymrwymo i leihau ein hôl troed carbon sy’n cynnwys ein dibyniaeth ar bapur. Rydym yn annog pawb i dderbyn eu tocynnau dros e-bost fel y gellir eu lawrlwytho i’ch ffôn. Os nad oes gennych gyfeiriad e-bost, cysylltwch â’r swyddfa docynnau am gymorth.

Os nad ydych wedi cael eich e-docynnau neu os nad ydych yn gallu eu lawrlwytho, ceisiwch fewngofnodi i’ch cyfrif, a’u lawrlwytho eto. Os yw’r broblem yn parhau, anfonwch neges at swyddfadocynnau@venuecymru.co.uk am gymorth.

Gall consesiynau fod ar gael, ond mae’n amrywio’n dibynnu ar y sioe. Gwiriwch y dudalen â’r wybodaeth am y sioe am fanylion pellach.

Mae consesiynau fel arfer yn gymwys i rai dros 60 a dan 16. Gwiriwch ar dudalen y sioe am fanylion pellach.

Mae’n amrywio fesul sioe. Ar gyfer perfformiadau sy’n addas i’r teulu fel Pepa’r Mochyn, wrth gwrs! Fodd bynnag, ar gyfer sioeau hŷn neu sioeau cerdd, rydym yn argymell eu bod dros 5 oed. Rydym yn ymddiried ynoch os ydych chi’n meddwl y gall eich plentyn 4 oed fod yn iawn. Os yw eich plentyn yn ansicr yn ystod y perfformiad, byddwch yn barod i gamu allan. Mae ein staff yma i’ch helpu.

Efallai bydd gostyngiadau ar gael, yn dibynnu ar y sioe. Gweler tudalen y sioe ar y wefan am ragor o wybodaeth.

Mae rhai sioeau’n cynnig codau hyrwyddo. Dilynwch ni ar y cyfryngau cymdeithasol neu tanysgrifiwch i’n rhestr bostio i fod ymhlith y cyntaf i gael mynediad at y rhain.

Sylwer: dylid mewnbynnu rhifau talebau anrheg ar y cam talu, nid fan hyn.

Oes! Gallwch gofrestru ar gyfer un o’n dewisiadau Aelodaeth Premier, sy’n dechrau o £35 y flwyddyn. Mae ein haelodau’n mwynhau ystod o fuddion a all wrthbwyso pris yr aelodaeth yn rhwydd. I gael rhagor o wybodaeth, gweler ein tudalen Aelodaeth Premier.

Dim ond os bydd y perfformiad yn cael ei ganslo y gellir cael ad-daliadau. Gweler y telerau ac amodau am ragor o wybodaeth.

Os yw perfformiad yn cael ei ganslo, bydd Venue Cymru / Theatr Colwyn yn ad-dalu pris y tocyn a’r ffioedd gweinyddol, ac eithrio ffioedd postio, archebu, diogelu neu roddion.

Cynigir Booking Protect wrth archebu, ac os wnaethoch dalu am y polisi, darllenwch y Telerau ac Amodau yn eich e-bost cadarnhau.

Mae diogelu ad-daliad, a gynigir gan gwmni trydydd parti o’r enw Secure My Booking, yn caniatáu i chi ychwanegu diogelu ad-daliad i’ch archebion gan Venue Cymru. Mae hyn yn golygu y gallwch wneud cais am ad-daliad llawn os nad ydych chi, neu unrhyw un yn eich grŵp yn gallu mynychu oherwydd amgylchiadau annisgwyl megis anaf, salwch, car yn torri lawr, neu dywydd garw, gyda thystiolaeth.

Gallwch ddewis Secure My Booking wrth archebu ar-lein, yn bersonol, neu dros y ffôn. Am fanylion llawn yr hyn sy’n cael ei gynnwys, cysylltwch â’r Swyddfa Docynnau, neu cyfeiriwch at delerau ac amodau Secure My Booking.

Bydd ad-daliadau a roddir gan Secure My Booking yn cael eu gwneud drwy Drosglwyddiad Banc, waeth beth yw dull y taliad gwreiddiol. Nodwch nad oes modd ychwanegu diogelu ad-daliad ar ôl gwneud archeb.

Swyddfa Gofrestredig:

Secure My Booking,
The White House,
Castle Road,
Saltwood,
Kent,
CT21 4QY

Ar hyn o bryd, nid oes gennym unrhyw ostyngiadau/cynigion Blue Light, serch hynny, os bydd ‘rhain ar gael yn y dyfodol, byddwch yn gallu eu gweld ar Ap Blue Light.

Mae ein Rhaglen Beth Sydd Ymlaen ar gael yma: Llyfryn Ar-lein | Venue Cymru.

Oes, wrth gwrs! Sut bynnag rydych chi’n archebu, bydd gennych opsiwn i ddewis eich seddi. Ar gyfer digwyddiadau heb seddi penodol, bydd mynediad cyffredinol yn gymwys. Ar gyfer digwyddiadau poblogaidd iawn, mae seddi’n cael eu dyrannu ar sail y cyntaf i’r felin.

Byddwch yn ymwybodol o’n polisi seddi sengl. Ni fydd archebion ar-lein yn caniatáu i sedd sengl fod yn wag. Serch hynny, efallai bydd y cyfyngiad hwn yn cael ei godi oherwydd argaeledd neu o fewn 48 awr i’r perfformiad. Mae croeso i chi gysylltu â’r Swyddfa Docynnau gydag unrhyw ymholiadau.

Sylwer: nid oes canllawiau yn eiliau canol yr awditoriwm.  Mae hyn yn cynnwys y cylch a’r rhesi llawr.

Oes, os oes sedd ar gael yn yr eil, mae croeso i chi ei chael!

Sylwer: nid oes canllawiau yn eiliau canol yr awditoriwm.  Mae hyn yn cynnwys y cylch a’r rhesi llawr.

Mae’n dibynnu’n hollol ar eich dewis personol, ond rydym yn argymell yr uwch seddi canol i lawr grisiau ac i flaen yr ochr dde/chwith neu’r cylch canol. 

Cynlluniau Seddi

Efallai y bydd gan seddi Golygfa Gyfyngedig rheilen ddiogelwch (e.e. rhes I y cylch), gorgyffwrdd neu olygfa o’r ochr, gan rwystro ychydig ar y gwelededd. Mae’r seddi hyn fel arfer yn rhatach ar gyfer sioeau drwy’r wythnos, oherwydd cyfyngiad ar yr olygfa ac efallai byddant ar gael gan y Swyddfa Docynnau’n uniongyrchol, yn unig.

Oes, gallwn ganiatáu newid i seddi o fewn yr un noson heb ffi ychwanegol os nad yw pris y seddi’n wahanol. Os ydych chi eisiau newid y noson (e.e. Dydd Llun i Ddydd Iau), mae ffi trosglwyddo o £2 y tocyn, ac unrhyw wahaniaeth mewn pris. Fodd bynnag, mewn sioeau sydd wedi gwerthu allan, mae cyfle i newid sedd yn annhebygol. Sylwer, mae’n rhaid newid sedd o fewn yr un sioe; nid oes modd trosglwyddo rhwng gwahanol sioeau.

Oes! Os oes seddi gwell ar gael, gallwch uwchraddio drwy dalu’r gwahaniaeth mewn pris, os yw’n berthnasol. Cysylltwch â Thîm ein Swyddfa Docynnau ar gyfer rhagor o wybodaeth ar uwchraddio seddi.

Dyma faint y seddi:

• Seddi Fflat Blaen y Llawr: 42cm o hyd o’r llawr i’r sedd, lled o 44cm, dyfnder o 42cm, gyda chefn 54cm o uchder.
• Uwch Seddi’r Llawr: 40cm o hyd o’r llawr i’r sedd, lled o 45cm, dyfnder o 42cm, gyda chefn 47cm o uchder.
• Cylch: 42cm o hyd o’r llawr i’r sedd, lled o 43cm, dyfnder o 42cm, gyda chefn 61cm o uchder. Mae’r ddwy sedd ar ben rhesi I-M ym mloc y cylch canol yn 48cm o led.

Mae breichiau sefydlog ar bob sedd ac nid oes modd eu tynnu.

Cyhoeddiadau: Gwrandewch ar y cyhoeddiadau cyn y sioe, sy’n rhoi gwybod i chi faint sydd cyn i’r sioe ddechrau. Cyrhaeddwch yn gynnar i osgoi amharu ar eraill wrth geisio canfod eich sedd.

Cod Gwisg: Nid oes angen gwisgo dillad crand! Mae gan y rhan fwyaf o theatrau god gwisg smart/lled ffurfiol, ond mae croeso i chi wirio gyda ni os ydych chi’n ansicr.

Ffotograffiaeth: Mae’n ddrwg gennym, ni chaniateir unrhyw luniau neu fideos yn ystod y sioe oherwydd gallant darfu. Efallai bydd ffotograffiaeth swyddogol ar gael mewn rhaglenni a nwyddau.

Ffonau Symudol: Diffoddwch eich ffôn, neu ei dawelu yn ystod y perfformiad, rhag tarfu. Cofiwch, rydych yno i fwynhau’r perfformiad byw yn bersonol!

Babanod a Phlant: Fel arfer nid yw plant dan 5 yn cael eu caniatáu, os nad yw’n sioe i blant. Byddwch yn barod i gamu allan os yw eich plentyn yn aflonydd, mae staff y theatr yno i’ch helpu.

Uchder a Hetiau: Mae gan seddi yn yr eil fwy o le i’ch coesau, a pheidiwch â gwisgo hetiau mawr! Cadwch yr olygfa’n glir er mwyn i bawb allu gweld.

Egwyl: Bydd egwyl tua hanner ffordd drwy fwyafrif y perfformiadau a gynhelir yn y theatr.  Bydd yr egwyl yn para tua 15 i 20 munud ac mae’n gyfle i’r rhai sydd yn y gynulleidfa bicio i’r tŷ bach neu gael lluniaeth. 

Mwynhewch! Cofiwch, rydych yno i weld y bobl broffesiynol wrth eu gwaith. Byddwch yn gwrtais, a gadewch i’r perfformwyr wneud beth maent yn ei wneud orau!

Mae maes parcio Talu ac Arddangos yng nghefn Venue Cymru ac mae dewisiadau eraill yn y cyffiniau hefyd. Cymerwch olwg ar y dudalen Cyrraedd Yma am fanylion llawn.  

Os ydych chi’n cael trafferth gyda’r peiriannau talu i barcio, gellir talu yn y Swyddfa Docynnau.

Oes, mae gennym nifer cyfyngedig o fannau parcio i bobl anabl ar gael yn ein maes parcio talu ac arddangos.

Yn anffodus, nid oes modd i ni archebu lle parcio anabl ar gyfer ein cwsmeriaid.

Mae parcio cyfyngedig am ddim ger y theatr neu ar hyd y Promenâd, sydd am ddim ar ôl 4pm.

Gallwch ddod i mewn i’r theatr o’r maes parcio a’r Promenâd.

Oes, mae mynediad i bobl anabl o’r maes parcio a’r Promenâd.

Dangoswch eich tocynnau i un o’n stiwardiaid wrth ddrysau’r awditoriwm.

Gwiriwch eich tocyn, bydd yn dweud wrthoch chi pa ddrws sydd orau. Wrth cyrraedd, mae arwyddion ym mynedfa yr Awditoriwm sy’n eich cyfeirio at y drysau. Fel arall, mae ein Stiwardiaid yn barod i helpu bob amser.

Oes, mae lifft i bob un o’n lefelau seddi.

Sylwer y bydd grisiau i’ch sedd o fewn yr awditoriwm, yn dibynnu ar ble mae eich sedd.

Oes, mae mynediad i gadeiriau olwyn a nifer cyfyngedig o seddi i gadeiriau olwyn yn yr awditoriwm. Sylwer nad ydym yn caniatáu defnyddio sgwteri symudedd yn yr awditoriwm.

Rydym yn cynnig y cyfle i archebu cadair olwyn o flaen llaw, ffoniwch y Swyddfa Docynnau ar 01492 872000.

Mae digon o doiledau ar y ddau lawr ger y theatr, y fynedfa, y caffi a’r bwyty. Mae arwyddion i’r rhain, ond bydd aelod o staff yn hapus i’ch rhoi chi ar ben ffordd.

Mae gennym gyfleuster Changing Places ar gael ar y llawr gwaelod ac mae toiledau hygyrch ar bob lefel yn y Theatr a’r Ganolfan Gynadleddau. 

Mae ein bwyty, Y Review, ar agor ar gyfer bwyta cyn mynd i’r theatr o 5pm ar nosweithiau sioe.

Gall hyd bob sioe amrywio. Ar gyfartaledd, mae sioeau’n rhedeg rhwng 2 awr a 15 munud i 2 awr a 30 munud, ond gallant amrywio yn dibynnu ar y cynhyrchiad. Gwiriwch dudalen we’r sioe am yr amseroedd mwyaf cywir.

Mae mwyafrif y sioeau’n dechrau am 7:30pm ond mae eithriadau. Gall perfformiadau Matinée ddechrau am 2:00pm neu 2:30pm, ac mae amseroedd yn amrywio i bantomeimiau. Cyfeiriwch at eich tocyn am yr amser dechrau penodol.

Yn gyffredinol, mae drysau’r awditoriwm yn agor 30 munud cyn i’r sioe ddechrau. Bydd y manylion penodol ar eich tocyn. Bydd ein staff yn rhoi unrhyw wybodaeth ddiweddaraf neu newidiadau wrth i chi gyrraedd.

Er bod hyn yn brin, gall problemau technegol, materion gyda’r cast neu broblemau diogelwch achosi oedi neu amhariad i’r perfformiad ar brydiau. Peidiwch â phoeni, byddwn yn gwneud ein gorau i ddatrys y materion hyn ar frys ac ailddechrau’r sioe cyn gynted â phosibl.

Ydym, rydym yn gwerthu talebau anrheg ar gyfer tocynnau i’r theatr, ond nid ydynt yn ddilys ar gyfer y bar na’r bwyty. Cliciwch yma ar gyfer telerau ac amodau’r talebau anrheg.

Nid yw Venue Cymru yn gwerthu nac yn derbyn talebau na thocynnau anrheg y Theatr Genedlaethol.

Gallwch brynu Talebau Anrheg ar-lein neu drwy ffonio’r Swyddfa Docynnau ar 01492 872000

Mae talebau anrheg yn ddilys am 12 mis.

Gellir defnyddio ein talebau anrheg ar-lein ar y dudalen dalu derfynol. Cliciwch ar “Mae gen i daleb” a rhowch god y daleb.

Fel arall, gallwch eu defnyddio dros y ffôn, neu’n bersonol.

Ar hyn o bryd, nid oes modd i chi brynu taleb ar-lein a’i hanfon at rywun arall o’n system docynnau. Bydd angen i chi brynu’r daleb yn eich enw, a’i basio ymlaen i’r unigolyn lwcus sy’n derbyn y daleb.

Ydi! Mae Venue Cymru a Theatr Colwyn yn rhan o Gynllun Mynediad Cymru gyfan o’r enw Hynt. Am ragor o wybodaeth am hynny cliciwch yma.

Ewch i https://www.hynt.co.uk/cy/ i wneud cais.

Ffoniwch y Swyddfa Docynnau’n uniongyrchol gyda rhif eich Cerdyn Hynt yn barod i archebu.  

Sylwer mai nifer cyfyngedig o docynnau cydymaith sydd ar gael fesul cynhyrchiad. 

Oes, gofynnwn eich bod yn dod â’r cerdyn gyda chi gan ein bod yn cynnal gwiriadau.

Yn anffodus, nid ydym yn cynnig ad-daliadau neu drosglwyddiadau ar docynnau sydd eisoes wedi’u prynu.

Na, bydd angen i chi fynychu gyda’ch cerdyn.

Mae’r tocyn am ddim i chi. Mae’n golygu y gallwch fynychu gyda’ch cynorthwyydd personol neu ofalwr, fel bod gennych y gefnogaeth sydd ei hangen arnoch yn ystod yr ymweliad. Nid yw’n docyn am ddim i’ch cynorthwy-ydd personol neu ofalwr, ac nid oes modd ei hawlio os ydynt yn dod heboch chi.

Ydym, bydd dyddiadau’r sioeau hyn yn cael eu nodi yn y rhaglen ac ar dudalen we’r sioe. Gallwch ofyn i aelod o staff hefyd.

Gallwch lawrlwytho’r ap yma: LINK
Neu gallwch gasglu dyfais gan ein tîm yn y ciosg yn y cyntedd canolog. 

Rhowch wybod i ni beth yw eich anghenion, a byddwn y gwneud ein gorau i’ch cynorthwyo.

Nac ydym, ond edrychwch ar wefan y Canolfannau Croeso ar gyfer gwybodaeth am lety lleol: Llety Lleol

Mae Llandudno yn dref braf, gyda sawl Gwely a Brecwast a gwesty hyfryd. Byddwn yn argymell eich bod yn edrych ar wefan y Ganolfan Groeso:

Gwasanaeth Gwybodaeth Twristiaeth - Llandudno