Deifiwch i noson o antur forol syfrdanol! Mae Taith Ocean Film Festival World Tour o amgylch y byd yn ôl ar gyfer 2021 gyda chasgliad newydd sbon o ffilmiau morol mwyaf anhygoel y byd! 

Yn arbennig i chi gan y tîm y tu ôl i Banff Mountain Film Festival UK & Ireland Tour, mae'r detholiad gofalus hwn o ffilmiau byr yn cyfuno ymdrech ddynol epig a bywyd morol syfrdanol mewn dathliad sinematig ysblennydd o'n cefnforoedd. 

Dyma gyfle i gwrdd â syrffwyr, padlwyr, deifwyr ac eigionegwyr sydd wedi ymroi eu bywydau i ateb galwad y môr yng nghorneli mwyaf gwyllt y blaned. Byddwch yn dyst i deithiau mordeithiau anhygoel, ffilmiau cyfareddol o uwchben ac o dan y don, a’ch cyfle i gael blas ar y môr mawr glas o’ch sedd gyfforddus yn y theatr!