Yn dilyn ymateb gwych i ‘The 1980 Tour’ yn 2019, mae Midge Ure a Band Electronica yn falch o fod yn ôl ar y ffordd yn 2023 gyda’r daith ‘Voice & Visions’, i ddathlu 40 mlynedd ers i Ultravox gyhoeddi’r albymau Rage In Eden a Quartet.

Ar ddechrau 1981, roedd Ultravox yn hawlio eu lle i fod yn un o’r bandiau a fyddai’n diffinio’r 80au yn dilyn llwyddiant byd-eang y gân ‘Vienna’. Wrth ddychwelyd i’r stiwdio yn yr un flwyddyn wedi’u hysbrydoli, fe wnaethant recordio eu hail albwm gydag Ure yn y blaen, Rage in Eden, a gyrhaeddodd y 5 Uchaf yn siartiau albymau Prydain.  Daeth Quartet, eu trydydd albwm gydag Ure, yn fuan wedi hynny yn 1982, wedi’i chynhyrchu gan yr enwog George Martin, cynhyrchydd y Beatles. I barhau â llwyddiant y band yn y siartiau, hwn oedd eu trydydd albwm i gyrraedd y 10 Uchaf, oedd yn cynnwys pedair cân o’r 20 Uchaf, gan gynnwys yr anthem ‘Hymn’.

Bydd taith ‘the Voice & Visions’ yn eich cludo chi’n ôl i ddegawd electroneg, arbrofi, syntheseiddio a chyfansoddi gwych. Bydd uchafbwyntiau’r albymau’n cael eu chwarae ochr yn ochr â’r caneuon enwocaf o gatalog blaenorol Ure.